一個人能活上千年，是一種什麼滋味呢?親歷無數的悲歡離合後，不老不死的生命是否只是意味着日復日的虛空？

以“不死傳說”為題的文學及電影電影作品並非什麼新鮮事，早在二十多年前已經有Highlander（港譯：《挑戰者》）這套電影。電視遊戲以此為故事背景倒似是第一次。正所謂：「橋唔怕舊，最緊要受。」，《失落的奧德賽》的故事正正是當初吸引我的地方。故事中，主角凱姆是一個擁有不死身的傭兵，但不知因何事失去了記憶，只是隱約知道自己已經活上千年。傭兵的他，接受了隸屬國家一次看似例行的任務，殊不知從此竟然逐步捲入一個野心家征服世界的陰謀。在冒險的旅途中，主角逐一遇上千年前的不死同伴們，奇怪的是他們也都失去了記憶。凱姆等人因何失憶呢？在凱姆夢中不斷重複的片段是什麼一回事呢？不死人因何出現於世呢？

除了主線故事外，於遊戲中，主角遇到的人和事都有機會勾起稱為「千年之夢」的記憶片段。這些「千年之夢」是一個個各自獨立的短篇故事，由日本得獎作家重松清執筆，以文字配以音樂和靜態畫面，將主角凱姆心坎裡的感人往事娓娓道出。重松清寫的這些短篇故事，有描述人性弱點的，有控訴社會不公現象的，也有探討生命何為何的，全部都十分牽動人心弦。對我來說，這是遊戲最精彩的部分，遊戲時總在在期待遇到下一個「千年之夢」的時刻。

以下是其中一段「千年之夢」（播放時時請按“HQ”按鈕，否則看不清文字。）

故事背境雖然獨特，但是這遊戲說穿了卻是不折不扣的傳統日式角色扮演遊戲（JRPG）。被譽為Final Fantasy遊戲的系列之父的坂口博信，可能因為此作係新成立公司的旗艦作，不免在創作時會多了顧慮，不單令到遊戲系統停留在FF8時的回合式戰鬥系統（也是有trigger概念），竟然連配角都似曾相識，如同伴中的雙生兒馬可和曲可=FF4 中的Palom和Porom、FF系列中必然在故事後半出現的飛空艇船長Cid居然也被照搬到此作（連名都幾乎一樣，叫作Ced!!），更不要提那老掉牙的的五行相剋、黑白魔法的的「行貨」魔法系統了。

幸好遊戲的不死人「技能連結」系統為它的遊戲性挽回不少分數。遊戲中不死人雖然可以如同隊伍中的凡人一樣提升等級，但卻不能如他們一樣可在升級時學會新的技能。不死人只能從現有隊伍中凡人身上學已有的技能。這樣，選擇留那一個凡人在戰鬥隊伍當中，讓他多汲取經驗，成為一個重要的戰略考慮。因為，凡人升級時得到新技能，不死人也就有新的技能可學。所以，有時為了得到某種技能，可能要被逼把本身很弱的凡人角色安插在隊伍中。。。

遊戲畫面在360上算是中上，沒有太大驚喜。使用了Gears of War的畫面引擎為他帶來了次世代級數的高清影象效果，可是亦因製作單位不熟習這引擎，令到在遊戲在戰鬥最熾熱的時候有少許frame drop的瑕疵。每次載入戰鬥畫面時亦有點慢，但若使用NXE把遊戲碟灌入硬碟，問題就自然消失。人物造型勝在獨特，請來了《浪客行》及《Slam Dunk》的漫畫家井上雄彦負責人設。不過，井上筆下人物的神髓似乎未能成功從2D過渡到3D，有點可惜。其餘美術上，遊戲世界似乎亦是沿用FF10的感覺，童話幻想加點科幻，Nothing we haven’t seen before。

《失落的奧德賽》是360上第一隻用上4隻光碟的遊戲，可想而知遊戲長度絕不會短啦。單單只玩故事主線，要50小時左右。約要全破所有支線任務，要80小時！我玩到六十小時左右就放棄支線破關去了。喜歡JRPG“磨爛蓆”的朋友絕不會失望。

總體來講，mechanically《失落的奧德賽》是十分稱職的JRPG，「千年之夢」及不死人主角們的背景設定令原本老套的故事增添了色彩，可惜遊戲系統新意不足，雖則有次世代華麗的畫面，總叫人覺得在玩PS2的FF。總評是值得一玩，畢竟是360上少見的AAA級JRPG，沒有時間的玩家，玩過Disc 1也就足夠了。

評分：《失落的奧德賽》 8/10

參考評分：《藍龍》6/10，《FF7》9/10，《FF10》8。5/10

首先，大家要知道GTA IV係d咩黎先，GTV IV係由Rockstar開發，用於次世界Console平台(XBox 360 / PS3)上既遊戲，其中既重點在於建立左一個極之龐大既遊戲世界(今次GTA IV入面參考左真實的New York City，建立在一個叫Liberity City既虛疑世界)，遊戲就係一個Free World模式，基本上，你係入面既Action係完全可以自已決定…由於遊戲一般來講都係以Underworld既黑暗規律(即係一個犯罪世界，玩家係入面既主要活動就走私，販毒，殺人，開火…諸如此類)，所以每一集GTA既推出，基本上都係會被一班「衛道之士」所抗議…不過，作為一個玩家，對於依d不關涉既議題，基本上係好少理既…

GTA IV既故事係由偷渡進入美國，來到Liberity City尋找表親Roman既東歐人Niko Bellic到步開始，一心希望實現American Dream既Niko發現，Roman之前係家書入面所寫既奢華生活完全係講大話，而且仲欠落大耳窿一大筆債…為左保護依個唔似樣既表哥，Niko逐步踏入左Liberity City既地下世界，由一個靠拳頭恐嚇收爛數既古惑仔開始，最後捲入Liberity City入面，六大黑幫家族既角色中既一個磨心…

而隨著故事既開始，Niko Bellic會同唔同既人物進行Interaction，而係依d Interaction之間，我地會逐步睇到Niko Bellic經已破碎既靈魂…Niko本身既國家爆發內戰，本著一腔熱血，Niko與一班同鄉朋友一齊投身成為軍人，但係係一次任務之中，部隊內既內鬼(Niko既其中一個同鄉老友)將整隊人出賣…Niko成為部隊僅存既三個倖存者，之後被標籤為「叛徒」，被迫出國，去到歐洲，從事販運人口既勾當，結果遇上左警方既堵截，任務失販，成為黑白兩道追緝既人物…係迫於無奈既情況下，Niko到Liberity City投靠Roman…

Niko接觸既每一個人物，都有著佢自己本身既過去，而且係一個比一個更加陰沉，黑暗，成個遊戲既tone係一路向悲劇既方向發展，最後Niko亦都因為踏足犯罪世界而最終不能自拔，付上左極大既代價…由於遊戲入面涉及左極之大量既犯罪活動(其中一個任務係打劫銀行，期間要突破由LCPD特警所組成既包圍網)，加上唔少殘殺他人既情節，所以依隻遊戲，係只推介俾心智成熟既玩家(唔好玩完隻game之後學日本秋葉園個「毒男」咁，衝出旺角亂咁殺人)…成隻Game係充滿左電影感，基本上玩game就好似睇戲一樣…一隻好既遊戲，就係應該可以令到玩家有咁既投入感(即使妳唔鐘意打機，但係亦都應該可以感受到故事既感染力，就好似睇一本好書既感覺一樣…)

的確GTA IV既最大吸引力係來自佢個劇本，但係同時地佢係技術上都有好多既突破，雖然畫面正如之前講過，唔算係超級頂班，但係考慮到佢果個龐大既遊戲世界，Niko駕駛著一個車，由城市內既一個島穿過去另一個島，中間係唔會有明顯既Load碟情況，單係依一點就係一個重大既突破，而且遊戲係以實時進行，有日與夜既交替，陰與晴既天候變化，其中光源及物件都會因應而改變，創造一個擬真既世界，反映製作團隊既卓越技術力…

遊戲入面有電台(19個)，電視台(八至九個不同節目)以及互聯網(30多個網站，其中部份係會不停更新)，全部都係搆成一個整體世界既細節，遊戲入面Niko可以用手提電話聯絡不同角色，甚至溝女，大家會一齊出街玩，有各式活動(打保齡，打Pool，掟標，睇脫衣舞…)，一個遊戲，單人模式就已經係咁豐富，仲有online既多人連線模式…

整體來講，GTA IV必然係當今眾多遊戲之中，其中最頂班既作品之一，AK認為，係任何擁有次世代主機既機主必玩既一隻作品…

AK既老毛病就係太過專注…眼看住係屋企堆係度未打既game開始陸續堆積，就開始有d緊張…無他既，入左隻「戰國無雙2」有成三十幾個人物 ，之後又入埋隻Condemned 2，郁都未郁過，最近又因為見個價平，連原本話入又唔入既Dragonball Z Burst Limit(299連設定集加figure)都入埋…偏偏隻GTA 4就仲係連故事模式都未打完…所以依三日就的起心肝，不停咁打…總算搞掂左果粒鑽石…結果自然係…脫稿啦…

老編PC交改既Battle Field: Bad Company，download個trial都要成1.5GB，好誇張下…依隻Game面對住之前咁多隻強勢既First Person Shooting，要跑出都真係要有d「符fit」…今次BF既重點係在於全面Destructible Environment，即係你只要對個target做成到足夠既傷害，理論上畫面入面任何既野，你都可以打爆佢…依一點係個demo入面係都可以感受到既，你坐左架裝甲車駛入個廢棄村落俾人圍攻，激戰之間就自然會發現，有d建築物係會被你打lum左既…不過，AK暫時唔覺得依一點除左係視覺上既Eye Candy之外，係戰術上對玩家有幾大既影響，起碼…唔似得Rainbow 6: Vegas 2入面，d cover可以打穿唔震撼…

另外，BF對於戰死沙場一貫都唔會太嚴重咁懲罰玩家，基本上都係俾你係附近就地Respawn，今次Bad Company入面，你果幾位Company似乎係打不死既，基本上你都唔駛點顧佢地，係戰場入面，顧掂自己就OK啦…

Battle Field: Bad Company係六月中出街，雖然依幾個月會有唔少game出，但係出名既FPS似乎係得隻BF，FPS中毒者無可選擇之下，Bad Company應該不難跑出既…

據板垣在公開信內嘅陳述，佢撤職及控告Tecmo嘅原因係因為Tecmo不單未有依照承諾，喺板垣完成Dead or Alive 4後支付花紅，當板垣同主席安田對質嘅時候，安田不但拒絕，近隨後於板垣嘅同事及下屬面前講咗好多詆毀佢嘅說話。板垣認為受到情緒困擾，亦令到工作嘅環境同個人關係變得惡劣，佢喺冇辦法下辭職。

板垣亦係公開信中向佢嘅遊戲支持者表示歉意，今日出版嘅忍者外傳2將會係最後，佢亦不能參與Dead or Alive 5嘅製作，但係佢既離職係迫不得已。“因為我已經不能再和主席安田善巳合作，一個雖然有能力但仍然選擇違背承諾的人。”

依排AK既私人生活出現左重大變動，情況就好似係Roller Coaster(即係唔及四川果邊咁大鑊，所以大家唔駛捐錢俾AK，請捐俾果邊d災民啦，佢地好需要大家幫手架)咁誇張，所以有成兩個星期脫左稿…

經歷左兩個星期之後，總算生活又重會正軌(其實實質係太過沉迷於「正常，健康既犯罪生活」GTA4)，為左避免俾老編PC「殺他死」，於是就惟有暫時放下「殺人放火金腰帶」既生活，開始「中年筆耕」既生涯，今次既回味番叮要講既係早前萬眾期待，但最終因為大貨及時應市(多謝代理迅速行動，人人有Game打)，結果炒唔起既Rainbow Six Vegas 2。

首先係，大家應該點樣去睇Rainbow Six Vegas 2呢隻Game呢?類型上，佢當然係一隻FPS啦，但係當你正式玩起上黎既時候，你又會發現同你之前打既Gear of War，Call of Duty 4等等係有d唔同既，最大既分別係，成個game整個pace係唔似一般既FPS咁緊迫，你係有時間係去plan你個attack既…留意啦，plan呢個字好緊要，因為R6V2係標榜Tactical，即係講求戰術性既一隻Shooter…

R6V2既戰術性係由好多個唔同既因素所組成既，其中一個重點就係在於一貫以黎，同一個系列既出色版面設計，整個戰場環境既Set Up唔單單只係像真，而係合乎正式同類型建築物既設計，酒店似番酒店，煉油廠似番間煉油廠…唔好以為依樣好容易，好多FPS為左遷就遊戲性既考慮，搞到d地圖變左迷宮咁不倫不類，完全唔似正式既建築物…

合乎正式建築物既設計除左加強左玩既時候既代入感之外，另外一個重點就係不少的建築物係有四通八達既出入口同埋通道，配合R6V2敵人既卓越AI，結果就係出現唔少係無預期既情況下遭人突襲既場面…所以，打R6V2既刺激感唔係來自於急速既遊戲節奏，反而係沿自於果種隨時係無預備之下俾敵人突擊既壓力…

講到AI，自然又唔可以唔提下自家人既AI，依一方面來講，R6V2雖然標榜小隊合作，不過就唔見得真係特別地出色，大致上既表現都只係中規中矩，當然無話好似Army of Two果隻會自己衝入敵人火線度捱子彈，之後坐低叫救命，迫你救佢果隻咁差，但係就同Gear of War差不多，打人都係靠自己啦…

咁…彈開自己人個AI，又順手彈埋R6系列一直以來都俾人鬧既另一個地方，就係佢既畫面質素…雖然R6V2比起上一集來講係有左一d既改善，但係你話佢追得上依家頂班FPS既水準，AK就覺得有d勉強啦…相信有唔少既玩家可能係單純係出面睇Demo既時候，見到個咁既畫面質素而卻步都唔定…

打R6V2另一個重點，當然係Multi play啦，今次相對於R6V來講，Multi play既改進算係好大既，首先係你可以join朋友個in game打co-op，AK總係覺得，FPS唔係一個單人遊戲，由其係R6系列所標榜既戰術性，係一定要一隊人先做到…另外，Terrorist Hunt又係一個必玩既feature，雖然…有時好似係被Terrorist去Hunt咁…仲有就係，你係Single Play入面可以升Level，開新槍新甲，依點對於AK依d FPS「苦手」來講，係相當親切既設計…

最後，都係要彈多一樣野，就係去到最後尾，居然出動到戰鬥直升機黎「欺凌」玩家，雖然係其他FPS入面，唔好講直升機，就連坦克，戰鬥機榜人呀…都曾經打過唔少，但係係R6V2入面，你拎住枝「豆槍」去射架直升機就真係…另外，最後尾手刃叛徒既感覺唔係好得…多多少少同個畫面質素有d關係…

Anyway…R6V2，AK會俾8分…

以上圖片由Gamespot.com提供，一句唔該！

我當年不識好歹，傻傻地買咗呢隻Game喺Xbox 1嘅前作。買嘅時候隻game都已經出咗一輪，個個都讚佢正，但係人人都話難玩。我心諗：「老夫縱橫Game壇十數載，有乜Game難倒我吖。」

頭十分鐘，確係冇乜難度，齋按攻擊制就殺晒啲嘍囉，仲有時間睇下風景添！畫面真係超越當時所有美國同日本嘅動作遊戲。呢隻遊戲嘅製作小隊就係製作Dead or Alive系列嘅Tecmo Ninja Team，果然名不虛傳。

十五分鐘後，出咗兩隻紅色忍者。當我照樣衝去砍佢哋，佢哋竟然全部擋晒！呢刻我已經心知不妙，點知佢哋重counter-attack埋，連續砍咗我兩三嘢，瓜咗！

「唔。。。。。。」

再試，又死！「頂！@#$%*。。。。」

結果，單單係去到第一版大佬間房，我已經死過十幾次。大佬當然亦唔係善男信女，又係Try->Die->Reload，重複十數次。

無錯，我確係打到想丟手制，但係由頭到尾我都冇覺得隻game有作弊。隻Game要求技術，而且佢會嚴正懲罰Button Mashing。（有啲似Street Fighter 2、DOA, 亂用combo都係死路一條。）迫你檢討自己出招嘅漏洞，跟住又真係過倒關喎。慢慢你就練成一身好武功，可以同遊戲裡面嘅敵人一決高下。（即係死少啲咋 ^_^ ) 「Ninja Gaiden，我會記住你。You are a worthy opponent!」

六月三日隻續集就會來臨，我手心開始冒汗。。。

近排四川大震災，總理溫家寶到場親自指揮，怒斥庸官，點名徹查「豆腐渣」公程，真係大快人心… 有依個好榜案，老編PC大人即時向庸碌既AK展開催稿大行動，係咁既情況之下，AK今年六月既第一個心水之選即時雙手奉上… 佢就係Dragon Ball Z: Burst Limit…

相信唔少既gamer同AK一樣都係食日本ACG(Animate，comics and game即係動畫，漫畫同遊戲也)奶水大既，但係自從由PS2升左上黎XBOX 360之後，基本上都係預左同日式既ACG「忍著淚說一聲good bye」…

好彩，係云云眾多既ACG入面，龍珠依個牌頭唔止係亞洲紅爆，去到美國之後都一樣咁work，所以Dragon Ball Z: Burst Limit先可以登陸XBOX 360平台…

果陣時AK話會揀依隻做六月首選，PC即刻叫AK睇定d，因為隻game似乎唔會有environmental damage，即係你唔可以好似漫畫咁打到「開山劈石」… 不過AK一於唔理，就係簡簡單單，因為「龍珠」呢兩個字，就等於係去見番一班同自已一齊長大既老友(香港有邊個細路唔係睇龍珠大架…)最緊要係，今次個game cover既部份係由悟空大哥拿迪斯「訪問」地球，去到最終既「斯路遊戲」，AK當年最鐘意就係依段… 之後布歐就興趣大減… 今次，仲有日版既行貨，聽講應該三百頭就攪掂，你話有咩理由唔乖乖俾錢呢…

打法其實都無咩變化，都係上天落地，不停出波… 畫面… 無咩改善… 其實，好似成隻game都係食老本… 但係無計，因為… 「龍珠」…